يأ كل الاحباب

ياكلّ الأحبـاب منـت بهالعمـر تجربـه
حبك دخل بالحياة وصـار كـل الحيـاه
شاعرك محبوس بافكاره علـى مكتبـه
بلّل خدود الورق من دمع حبـر الـدواه
ماتعّبتنـي بوصفـك قـلّـة الموهـبـه
لاشكّ حسنك عجز شعري يضاهي بهـاه
لي بيت شعرٍ على بالي عجـزت أكتبـه
لكنّ فكري وأنـا عنـدك بعينـك قـراه
شفت القمر ناثـرٍ ليلـه علـى منكبـه
مدري غشاه السحاب أو إنه ارخى غطاه
والليل شفتـك تلمّـه لـمّ ثـم تسكبـه
على نهار النحـر حتّـى تغطّـي سنـاه
ورمشك ليامن ضرب قلبي عطب مضربه
كنّك موقّف على جفنـك سريّـة رمـاه
تمـرّ والنـاس مذهولـة ومستغـربـة
من حسنك اللي طمس غيرك وضيّع حلاه
أجيك وأرجع وقلبـي ماحصـل مطلبـه
مثل الذي راح يمّ اليـمّ يـروي ضمـاه
وأتوب عن ذنب حبي معـك وأستعذبـه
وأتوب عن توبتي ويعيـد قلبـي خطـاه
وأنت تعرف صاحبك برق الحيا يجذبـه
يمشي على مايبي قلبـه ويتبـع هـواه
الله من وحـدةٍ جتنـي وهـي معجبـه
وبغيت أطاوع هوى قلبي وعيّـا وفـاه
قلبـي يـودّك ولـو إنّ الجفـا يتعبـه
وليا سألته يقـول: أحـبّ حتـى جفـاه
يهوى تغلّيـك وطعـون الدلـع تعجبـه
لأنّـك أوّل منـى قلبـي وآخـر منـاه
مانيب ناشدك جرح الحـبّ وش سبّبـه؟
لاشكّ أبنشدك جرح الحبّ وش هو دواه؟
وإن كان بيديـك طـبّ لخافقـي طبّبـه
لاتترك الموت ياصل لـه قبـل مبتغـاه

صـح لسآن قائلـها ,,

وٍبنآنك..

قصيدة قمة آلرٍوٍعه,,

وٍآلجمآل..

آستمتعت جداً ..

بقرٍآءتهآ..

لآعدمنآ كل هآلآبدآع ..

نجم سهيل
أهنيئكـ على هذه الذائقة الشعـرية
حروفك تحمل لنا بين طياتها الكثيرمن التميز
وجدت الجمال بحروفك
دمت ودام إحساسك الراقي
تقبل مروري المتواضع

كنق ///// المسافر مشكورين على مروركم عافكم ربي يالغالين